wenn's am aabe na de nüüne no ar hustür lütet
wüssen aui lüt im hus scho lang, was das bedütet
    wüu im dritte schtock wohnt eini,
     die isch gar nid gärn alleini

dasch es cho u ga u cho, eis ufen und eis aabe
dasch es glöif di haubi nacht u das fasch jeden aabe
    wüu im dritte schtock wohnt eini,
    die isch gar nid gärn alleini

zwar sisch wahr, es chöme gar nid immer nume nöji,
ou bi dere liebi git es öppis win e tröji
    wüu im dritte schtock wohnt eini,
    die isch gar nid gärn alleini

jede mändi lütet eine vo de ghüdermanne,
syder het's a ihrem güder nie e chläber dranne
    wüu im dritte schtock wohnt eini,
    die isch gar nid gärn alleini

d jahr vergö, me ghört se viu alleini schlager singe,
's lütet no, wenn öppen öpper öppis chunnt cho bringe
    wüu im dritte schtock wohnt eini,
    die isch gar nid gärn alleini

hüt isch niemer meh im hus, wo weis, was das bedütet,
wenn's am aabe na de nüüne no ar hustür lütet
wenn's am aabe na de nüüne no ar hustür lütet


zurück zur Übersicht